Wednesday, September 11, 2013

ವಿಪರ್ಯಾಸ

ಇಲ್ಲೊಬ್ಬಳು ಹುಡುಗಿ;
ಜಾರುವ ಸೀರೆಯುಟ್ಟು
ಸೊಂಟದೊಲೊಂದು ಕೊಡವಿಟ್ಟು
ನೀರಿಗೆಂದು ಬಂದುದ ಕಂಡೆ.

ತೊಟ್ಟಿಕ್ಕುವ ನಲ್ಲಿಯಲ್ಲಿ
ಅಚಾನಕ್ಕಾಗಿ ಧಾರೆಯಂತೆ ನೀರು!
ಕೊಡ ತುಂಬಿದುದನ್ನು
ಅವಳ ಕಣ್ಣಲ್ಲಿ ಕಂಡೆ;

ನಜೂಕು ನಡೆಯವಳು
ಕೊಡವನ್ನು ಏರಿಸಿ;
ನಡೆಯುವಾಗ ಎಡವದಂತೆ
ಸೀರೆಯನ್ನೆತ್ತಿ ಕಟ್ಟಿದಳು!

ಇದುವರೆಗೆ ರಮ್ಯವಾಗಿದ್ದ ನೋಟಕ್ಕೆ
ಕೃತಕ ಕಾಮದ ಅಡ್ಡಗಾಲು!
ಅವಳು ಬಿದ್ದಳು
ಕೊಡದಲ್ಲಿದ್ದ ಚಿಮ್ಮಬೇಕಿದ್ದ ನೀರು
ಚೆಲ್ಲಿದ್ದು ಕಂಡೆ.