ಅಂದು ದ್ವೈಪಾಯನದಿ ಮುಳುಗೆದ್ದ ಹಂಸಕ್ಕೆ
ಮೀನಿನಂತೆಯೆ ಕಂಡ ಮಣಿಯ ಮಾಲೆ;
ತರಲದೋ ಮೇಲಕ್ಕೆ ಕಂಡ ಬೆಸ್ತರ ಹುಡುಗ
ಹಂಸ ಬಾಣಕೆ ಗುರಿಯು ವಿಧಿಯ ಲೀಲೆ!
ಮೀನಿನಂತೆಯೆ ಕಂಡ ಮಣಿಯ ಮಾಲೆ;
ತರಲದೋ ಮೇಲಕ್ಕೆ ಕಂಡ ಬೆಸ್ತರ ಹುಡುಗ
ಹಂಸ ಬಾಣಕೆ ಗುರಿಯು ವಿಧಿಯ ಲೀಲೆ!
ಮಣಿಯ ಕೊರಳಿಗೆ ತೊಟ್ಟು, ಹಂಸ ಬುಟ್ಟಿಯಲಿಟ್ಟು
ಹುಡುಗ ನಡೆದನು ಮನೆಯ ಜಾಡು ಹಿಡಿದು;
ಮನೆಯ ಒಳಕೋಣೆಯಲಿ ಅಪ್ಪನಿದ್ದನು ಮೌನಿ
ಕತ್ತರಿಸಿ ಹೋದಂತ ಕಾಲನೆಳೆದು!
ಹುಡುಗ ನಡೆದನು ಮನೆಯ ಜಾಡು ಹಿಡಿದು;
ಮನೆಯ ಒಳಕೋಣೆಯಲಿ ಅಪ್ಪನಿದ್ದನು ಮೌನಿ
ಕತ್ತರಿಸಿ ಹೋದಂತ ಕಾಲನೆಳೆದು!
ಮಾಲೆಯನು ಕಂಡವನು ಒಕ್ಕಣ್ಣು ಅರಳಿಸಿದ
ಹಳೆಯ ನೆನಪಲಿ ತೊಗಲು ಗೊಂಬೆಯಾದ!
ತನ್ನೊಡೆಯ ಕೌರವನ ವರದ ಕಂಠಾಭರಣ
ಮಗನ ಕೊರಳೊಳು ಕಂಡು ಮೌನವಾದ.
ಹಳೆಯ ನೆನಪಲಿ ತೊಗಲು ಗೊಂಬೆಯಾದ!
ತನ್ನೊಡೆಯ ಕೌರವನ ವರದ ಕಂಠಾಭರಣ
ಮಗನ ಕೊರಳೊಳು ಕಂಡು ಮೌನವಾದ.
ಆ ಯುದ್ಧ ಆ ಸಾವು ಹಿಂಸೆ ಶಾಂತಿಯ ಮಂತ್ರ
ಎಲ್ಲವೂ ಬದುಕಿನಲಿ ಬಂತು ನನಗೆ;
ಕಾಲ ಜಾರಿತು ಹೀಗೆ ಕಾಲಪುರುಷನ ನೆವಕೆ
ಕಾಲುಹೀನಗೆ ಬಂತೆ ಬಲ್ಮೆಯುಡುಗೆ?
ಎಲ್ಲವೂ ಬದುಕಿನಲಿ ಬಂತು ನನಗೆ;
ಕಾಲ ಜಾರಿತು ಹೀಗೆ ಕಾಲಪುರುಷನ ನೆವಕೆ
ಕಾಲುಹೀನಗೆ ಬಂತೆ ಬಲ್ಮೆಯುಡುಗೆ?
ಮಾಲೆ ತೆಗೆದಿರಿಸಿಟ್ಟು ಅಡುಗೆ ಕೋಣೆಗೆ ಸರಿಯೆ
ಹಂಸವಾಯಿತು ಪಾಕ ಎಂದಳಮ್ಮ!
ಮುಳುಗಿದವ ಏನಾದ? ಕೊಂದವನು ಏನಾದ?
ಹಸಿವು ಹೊಟ್ಟೆಯದಲ್ಲ; ನಿಜದ ಬ್ರಹ್ಮ.
ಹಂಸವಾಯಿತು ಪಾಕ ಎಂದಳಮ್ಮ!
ಮುಳುಗಿದವ ಏನಾದ? ಕೊಂದವನು ಏನಾದ?
ಹಸಿವು ಹೊಟ್ಟೆಯದಲ್ಲ; ನಿಜದ ಬ್ರಹ್ಮ.
~
೧೮-೦೮-೨೦೧೪