ಕತ್ತಲ ಹಾಡುಗಳು !!!

ನಿಮ್ಮ ಪಾಡಿಗೆ ನೀವಿದ್ದರೂ..
ಈ ಕತ್ತಲು ನಿಮ್ಮನ್ನ ಕಾಡುತ್ತದೆ ..

ನಿಘೂಢ ಆಕಾಶದ ಕಪ್ಪಿನ ಬೆಳಕನ್ನು

ಭೇದಿಸುತ್ತಾ ನೆಗೆದ ಹೂಬಾಣಉರಿದು ಬೀಳುವಾಗ
ಮೇಲ್ನೋಡುತ್ತ ನಿಂತ ಮುಖ ಕಪ್ಪಾಗಿತ್ತು !!

ಕತ್ತಲ ಮಳೆಹನಿಗೆ ಎಲ್ಲವೂ ಕಪ್ಪಾಗಿದೆ
ಆದರೆ ಇಲ್ಲೊಬ್ಬ ಹೊಳೆಯಿತ್ತಿದ್ದಾನೆ.
ಇಂದು ಹಚ್ಚಿದ ಬಣ್ಣ ತೊಳೆಯದೇ
ನಾಳೆಗೆ ಕಾಯ್ದಿರಿಸಿದ್ದಾನೆ

“ನಿನ್ನನ್ನು ನಾನು ಚೆನ್ನಾಗಿ ಬಲ್ಲೆ ” ಎಂದಾತನಿಗೆ
ಒಬ್ಬ ಕೇಳಿದನಂತೆ …” ನಿನ್ನೆ ರಾತ್ರಿ ನಾನೇನು ಕನಸು ಕಂಡೆ ” ?

ಈ ಕತ್ತಲೆನ್ನುವುದು ಒಂದು ಬಿಂದು .
ಸಹಜವಾಗಿದ್ದಷ್ಟೂ ನಾವು ಬಿಂದು ಚಿಕ್ಕದಾಗಿರುತ್ತದೆ..

ಈ ಕತ್ತಲೆನ್ನುವುದು ಎಷ್ಟು ದೀರ್ಘವಿದೆ ಗೊತ್ತೇ ?
ಇಂದೊಂದು ಕಳೆಯಲಿ ಹೇಳುವೆನು ಮತ್ತೆ !!