ಒಂದು ಬಾರಿ ನಗುತ ಬಾರೆ !

ಒಂದು ಬಾರಿ ನಗುತ ಬಾರೆ ತೋಳ ತೆಕ್ಕೆಗೆ
ಮಂದ ಗಾಳಿ ನೀಡುತಿಹುದು ಸರಸಕೊಪ್ಪಿಗೆ

ಕರಗಿ ಹೋದ ಚಂದ್ರ ಕೂಡ ನಿನ್ನ ಲಜ್ಜೆಗೆ
ಸುರರು ನಾಚಿ ಕರುಬುತಿಹರು ನಿನ್ನ ಮುದ್ದಿಗೆ

ನಿನ್ನ ಮುತ್ತನೆತ್ತರಿಸೆ ಅವು ತಾರೆಯಾಯಿತೇ?
ನಿನ್ನ ದನಿಯ ಕೇಳೆ ಧರೆಯು ಮೂಕವಾಯಿತೇ?

ಮೇರೆ ಮೀರದೆಂದೂ ನನ್ನ ಸ್ವಾರ್ಥದಾ ಬಲ
ನೀರೆ ನಿನ್ನ ಸೇರೆ ಬಾಳೋ ಒಂದೇ ಹಂಬಲ

ಚೆಲುವು ಅಂದರೇನು ಅರಿಯೆ ಒಲವೆ ಚೆಲುವೆನೆ
ಗೆಲುವು ಸೋಲು ಪ್ರೀತಿಗಿಹುದೆ ಸೋತೆ ಸುಮ್ಮನೆ