ಹಾಲ್ನೊರೆಯ ಬೀರಿಸಿದೆ ಸೊಗಸಿನಿಂದಅದೆ ತೆರೆಗೆ ಹೆಸರಳಿದು ಬರಿಯ ಮರಳಿನ ಮಿನುಗು
ಕದಡಿಹೋಗಿದೆ ನೋವ ನೆನಪಿನಿಂದ
ಯಾವ ಗಾಳಿಗೆ ಸಿಲುಕಿ ತೀರದಾಚೆಗೆ ಮುನಿದು
ಅಬ್ಬರಿಸುತಿಹೆ ನೀನು , ಏನು ಕೋಪ ?
ಎಲ್ಲಿ ಜಾರಿತು ಶಾಂತಿ ? ಬಾನಿನೊಂದಿನ ಮೈತ್ರಿ
ಯಾಕೆ ಪ್ರೀತಿಯ ನಡುವೆ ಮೃತ್ಯು ಕೂಪ ?
ಅಂದು ನೀನಿರುವಾಗ ಚಿಪ್ಪಿನೊಳು ಅವಿತಿದ್ದ
ಕನಸು ಕಲ್ಪನೆಗಳಿಗೆ ನೂರು ಗೆಲ್ಲು
ಅವಿತಿರುವ ಭಾಷೆಗಳ ಹೊರಗೆ ತೆಗೆಯಲಿ ಹೇಗೆ?
ಕಾಣದಿಹೆ ನಿನ್ನನ್ನು ಇಲ್ಲಿ ಎಲ್ಲೂ
ಸಾಗರವೇ ನೀ ಕೇಳು ಈ ನೋವ ಕಣ್ಣೀರು
ಆಗಿ ಹೋಗಲಿ ನಿನ್ನ ಲವಣ ಬಿಂದು
ನೀ ಶಾಂತ ನೀ ರೌದ್ರ ನಿನ್ನ ಮೇಲಿದೆ ನೌಕೆ
ಬಂದು ಸೇರಲಿ ದಡಕೆ ಸುಖದಿ ಎಂದು
೧೪/೦೩/೨೦೦೫
No comments:
Post a Comment