ತೊರೆಯದಿರು ಎಂದಿಗೂ ಕೊಡದೆ ಇರು ನೋವು !ಆ ಬೆಳಗು ಮೊಗ್ಗರಳಿ ನಾ ವಿಶ್ವ ನೋದಿರಲು
ನಿನ್ನ ಕಣ್ಣಿನ ನೋಟ ನನ್ನ ಸೆಳೆಯಿತು
ನಿನಗಾಗಿಯೇ ನಾನು ಎಂದೆನ್ನ ಮನದ ದನಿ
ಪ್ರೇಮ ಭಾವದಿ ನಕ್ಕು ನಿನ್ನ ಕರೆಯಿತು
ಒಮ್ಮೆ ಹೀರಿದ ಜೇನು ಆಯಿತೇ ಕಹಿ ಒಳಗೆ ?
ಮರೆತೆಯಾ ಈ ಹೂವ ಪ್ರೀತಿ ?
ನಿನಗೋ ಹಲಬಗೆ ಹೂವು ನನಗೊಬ್ಬನೇ ದುಂಬಿ
ಏನಿದರ ಇಬ್ಬಗೆಯ ನೀತಿ ?
ಇಂದರಳಿ ನಾಳೆಯೊಳು ಸೊರಗಿ ಹೋಗುವೆ ನಾನು
ಆ ತನಕ ನಿನ್ನ ಪ್ರೀತಿ ಬೇಕು
ನಿನ್ನ ಪ್ರೇಮದ ಹೊರತು ಬೇರೇನೂ ನಾನೊಲ್ಲೆ
ಅಷ್ಟೆ ದಿನ ಬದುಕಿರಲು ಸಾಕು
ಮುಗಿದೇ ಹೋಯಿತು ಬದುಕು ಈ ದಿನದ ಸಂಜೆಯಲಿ
ನಿನ್ನ ಕನಸಿಗೆ ಇಲ್ಲಿ ಕಂಪಾಯಿತು
ನಿನ್ನೊಲವ ದಾರಿಯಲಿ ಸಾವು ನೋಡಲಿ ಜೀವ
ಒಟ್ಟಿನಲಿ ಈ ಬಂಧ ಇಂಪಾಯಿತು
೧೨/೦೧/೨೦೦೫
No comments:
Post a Comment