Wednesday, August 24, 2011

ಹೋಟೆಲಿನ ಒಳಗೆ .


ಇವತ್ತು ಬರೆಯಲೇ ಬೇಕೆಂದು ಕವನ
ಹುಡುಕಿದ್ದೆ ಶಬ್ಧಗಳ, ಮತ್ತೆ ಪಾರ್ಕುಗಳ
ಸುಸ್ತಾಗಿ ಮರಕೊರಗಿ ಚಿಂತಿಸುತಲಿದ್ದೆ
ಹಸಿವಾಗಿ ಮನದೊಳಗೆ ಹೋಟೆಲಿನ ಸದ್ದು !

ಬಿಸಿ ಇಡ್ಲಿ ಪೂರಿಯದು ಎಂತಹಾ ಸ್ವಾದ
ನೆನಪಾಯ್ತು ಅಮ್ಮನದು ಪ್ರೀತಿ ಅಗಾಧ
ಮನೆಯಲ್ಲೆ ಕಣ್ಮುಚ್ಚಿ ತಿಂದಂತೆ ಕುಡಿದಂತೆ
ಎಲ್ಲೋ ಕಳೆದೋಗಿದ್ದೆ ರುಚಿಯ ಉನ್ಮಾದಕ್ಕೆ

ಇಂತ ಪ್ರೀತಿಯ ಇಲ್ಲಿ ಇಟ್ಟವರು ಯಾರು
ಅಬ್ಬ ಮನೆಯಂತೆಯೇ ಹೋಟೆಲಿನ ಸೂರು
ಯಾರು ಬೀಳಿಸಿದರಿಲ್ಲಿ ಪಾತ್ರೆಗಳ ?ಸದ್ದು
ತಂದಿತ್ತು ರಸಭಂಗ, ತಿರುಗೆ ಏನಾಯ್ತು ಎಂದು !

ಹೋಟೆಲಿನ ಕೆಲಸದವ ಬೀಳಿಸಿದ್ದೇನು ?
ಪಿಂಗಾಣಿ ಪಾತ್ರೆಗಳು , ಬೆಚ್ಚಿತ್ತು ಕಣ್ಣು
ಬಲುಕೋಪಿ ಒಡೆಯನವ ಗದರಲಿಲ್ಲವನ
ಒಡೆದಿತ್ತು ತುಟಿಯಂಚು, ಮುದುಡಿತ್ತು ವದನ !

ಅಯ್ಯೊ ಎಲ್ಲವು ಹೀಗೆ ಎಲ್ಲಕಡೆಯಂತೆ
ಪ್ರೀತಿ ಹಾಡಿನ ಹಿಂದೆ ನೋವುಗಳ ಸಂತೆ
ಹೋಟೆಲಿನ ರೂಮಿನೊಳು ಹುಟ್ಟಿತ್ತು ಗೀತೆ
ಮತ್ತೆ ಅಲ್ಲಿಯೆ ಉಸಿರುಗಟ್ಟಿತ್ತು! ಸತ್ತೆ !!

೨೪-೦೮-೨೦೧೧

2 comments:

vijaykannantha said...

Nice one IKB sir :-)

kavitha said...

Sooru matra maneyante adare ammana preeti allilla...ruchiyada tinisu sigabekendare kodabeku kasu....