Saturday, January 28, 2012

ಏನೆಂದು ಹೇಳಲಿ ಗೆಳೆಯಾ, ಅವಳ ಒಲವನು ?


ಏನೆಂದು ಹೇಳಲಿ ಗೆಳೆಯಾ, ಅವಳ ಒಲವನು ?
ಮಾಗಿಯಲ್ಲು ಬೆವರುತಲಿರುವೆ ನೆನೆದು ಅವಳನು!

ಏಕಾಂತ ಸೊರಗಿದೆ ಗೆಳೆಯಾ, ಅವಳು ಇರುವೆಡೆ
ಬಾನಿನಿಂದ ಚಂದ್ರನಿಳಿದಾ ಸಿರಿಯ ಮೊಗದೆಡೆ

ಮುತ್ತಿಡುವಾಗೊಮ್ಮೆ ಅವಳ ತುಂಟ ಕಂಗಳು
ಮತ್ತೇನನೋ ಬಯಸುತಿರುವ ಗೀಚು ಕೈಗಳು

ಸೊಬಗಿನಲೆ ಚಿಮ್ಮಿಸುವ ಈ ಪ್ರೇಮ ನಂಬುಗೆ
ಅವಳೆ ಈಗ ನಾನಾಗಿಹೆನು  ನನ್ನ ಹೆಮ್ಮೆಗೆ !

ಕಾರಿರುಳಲೆ ಮೀರಿ ಬರುವ ಅವಳ ನೆನಪನು
ಹೇಗೆ ನಿನಗೆ ಹೇಳುವೆನೋ ನಾನು ಅರಿಯೆನು

9 comments:

Badarinath Palavalli said...

ಆಕೆಯ ನಿರಂತರ ನೆರಳಿಗೆ
ಈ ಕವನ :
ಒಂದು ಸರಳ ಸುಂದರ
ಭಾವ ಪೂರ್ಣ
ನೆನಪಿನ ಮುತ್ತಿನ ಹಾರ!

sunaath said...

ಎದೆಯಿಂದ ನೇರವಾಗಿ ಚಿಮ್ಮಿದ ಒಲವಿನ ಹಾಡು. ಸರಳ, ಸುಂದರ ಹಾಗು ಮಧುರ!

shadja said...

:) ನಿಮ್ಮ ಏಕಾಂತಕ್ಕೆ ಬಹುಬೇಗ ಭಂಗವುಂಟಾಗಲೆಂದು ಹಾರೈಸುವೆನು :) ಒಳ್ಳೆ ಕವನಾ :)

DEW DROP (ಮಂಜಿನ ಹನಿ) said...

ವಿರಹ ಮತ್ತು ಶೃಂಗಾರ ಭಾವಗಳು ಮೈದಳೆದು ಅರಳಿವೆ.. ತುಂಬಾ ಸುಂದರವಾದ ಕವಿತೆ.. ಪ್ರೀತಿಯ ಭಾವಗಳು ಮನಸ್ಸಿಗೆ ಮುದ ನೀಡಿ ಮನಸ್ಸನ್ನು ಕನಸ್ಸಿನಲ್ಲಿ ಮುಳುಗಿಸುವವು..:)))

Aneesh P V said...

Good Poem...

Nivedita Hegde said...

ಏಕಾ೦ತ ಎ೦ಬ ಶಬ್ದವೇ ಇಲ್ಲಿ ಶ್ರ೦ಗಾರ.. ಚೆನ್ನಾಗಿದೆ...

Gold13 said...

nice lines
Swarna

ಜಲನಯನ said...

ಈಶ್ವರ್ ಸರ್.. ಮಾಗಿಯಲ್ಲೂ ಬೆವರಿಳಿಸೋ ಚಂದ್ರನಿಳಿದಾಸಿರಿಯ ಮೊಗದ ಗೀಚುಕೈಗಳ ಸುಂದರಿಯ ನೆನಪಿಸಿಕೊಂಡ್ ಪರಿ ಚನ್ನಾಗಿದೆ...

ಸೀತಾರಾಮ. ಕೆ. / SITARAM.K said...

ಸರಳ ಪ್ರೇಮದ ಅನಾವರಣ ಕಂಗಳಿಂದ ಮುತ್ತಿಡುವ ಪ್ರತಿಮೆ ವಿನೂತನ!