ಇನ್ನೊಂದು ಕೋರಿಕೆ !

ಏಕಾಂತವನು ಹುಡುಕಿ
ಅವಳ ಮುಂಗುರುಳ ನೇವರಿಸಿ
ಗಲ್ಲವ ಹಿಡಿದು
ಮುತ್ತನೊತ್ತುವ ಸಮಯದೊಳು
ನೀ ರಿಂಗಣಿಸದಿರು ಮೊಬೈಲೇ !
ಏಕಾಂತವಿದ್ದರೂ ಅದು ಜೈಲೇ !!

ನರುಗಂಪಿನ ಅವಳ ತುಟಿಗಳು
ನನ್ನ ಮೋರೆಯನ್ನಪ್ಪಿ ಚುಂಬಿಸೆ
ಅದುರುತ್ತಿರುವ ವೇಳೆ
ನೀ ಕಾಡಬೇಡ ಕ್ಯಾಮೆರದ ಕಣ್ಣೆ
ಅವಳ ಮತ್ತೆ ನನ್ನ ಚಿತ್ರವ
ಹಳೆತಾಗಿಸಿ ಉಪ್ಪಿನಕಾಯಿ ಹಾಕಬೇಕಾಗಿಲ್ಲ !

ದೂರದ ದರ್ಶನ ಮಾಟ !
ಸಮಯಕ್ಕೂ ಸರಸಕ್ಕೂ ಬೇಟ
ಜಗಳ,ವಾರ್ತೆ, ಆಟಗಳ ನೋಡಿ
ನಾಳೆಯ ಚಿಂತೆಗಳ ದೂಡಿ
ನಿರ್ಭಂದಿಸಿದ ಗಳಿಗೆಯೊಳು ಇಷ್ಟೇ
ಎಂದೆನುತನುಭವಿಸಬೇಕು !
ಇಲ್ಲವಾದರೆ ನೆಮ್ಮದಿಯ ನಾಳೆ ಇಲ್ಲ?