Tuesday, April 9, 2013

ಓಹೋ ನಿಮ್ಮನೆ ಹುಡುಗ!


ಓಹೋ ನಿಮ್ಮನೆ ಹುಡುಗ
ಎಷ್ಟೊದು ಬಿಳುಪು?
ಓದು ಹೀಗೆಯೆ ತಾನೆ?
ಎಂತಹಾ ಚುರುಕು!

ಪಟಪಟನೆ ಉದುರಿಸುವ
ಮಾತುಗಳ ಮುತ್ತು!
ಎಲ್ಲಿಂದ ಕಲಿತಿಹನೋ
ಹಲವಿಷಯ ಗೊತ್ತು!

ಕಾಲುಗಳು ಕೈಗಳೂ
ಎಷ್ಟೊಂದು ಚಂದ!
ಗಾಯಗಳು ಇಲ್ಲದೆಯೆ
ಬಾಲ್ಯದಾನಂದ?

ಓಹೊ ನಿಮ್ಮನೆ ಹುಡುಗ
ತುಂಬ ಡಿಫರೆಂಟು
ಸಣ್ಣ ವಯಸಿಗೇ ಅವಗೆ
ಇಂಗ್ಲೀಷು ಸೆಂಟು!

ಸ್ವಲ್ಪ ಬೊಜ್ಜಿದೆ ಬಿಡಿ
ಹಾಳು ಏನಲ್ಲ;
ಪರೀಕ್ಷೆಯಲಿ ನೂರು
ಆಟದಲಿ ಇಲ್ಲ.

ಓಹೋ ನಿಮ್ಮನೆ ಹುಡುಗ
ಇನ್ನೂನು ಸಣ್ಣ
ಬದುಕು ಕಲಿಸಿತೆ ಹೇಳಿ
ಬಗೆಬಗೆಯ ಬಣ್ಣ?

1 comment:

sunaath said...

ಹರಿತವಾದ ವ್ಯಂಗ್ಯಕ್ಕೆ ತಿಳಿಯಾದ ಭಾಷೆಯ ಹೊದಿಕೆ!